असार १९, काठमाडौँ । जुम्लामा शनिबारदेखि अनशनमा बसेका डा. गोविन्द केसीको स्वास्थ्य अवस्था खस्किँदै गएको छ । कभर्डहलमा अनशनमा रहेका केसीलाई चिसोले असर गरेको सहयोगमा खटिएका किशोर केसीले जनाए ।
चिकित्सा शिक्षा विधेयक संसद्बाट जस्ताको तस्तै पास हुनुपर्ने, माइतीघर मण्डलालाई निषेधित क्षेत्र बनाउन नहुने लगायतका सात शूत्रीय माग राखेर केसीले १५औँ अनशन सुरु गरेका हुन् ।
अनशनस्थलमा बिजुली अभावका कारण डा. केसीको स्वास्थ्य अवस्था जाँच्न समस्या भएको छ । लोडसेडिङको समस्याका कारण मुटुको चाल नाप्ने कड्यक मनिटर जडान गर्न नसकिएको सहयोगी केसीले बताएको समाचार नयाँ पत्रिका दैनिकमा छ ।
