असार २१, जुम्ला । जुम्लामा अनशनरत डा. गोविन्द केसीको स्वास्थ्य अवस्था गम्भीर भएपछि उपचारका लागि कर्णाली स्वास्थ्य विज्ञान प्रतिष्ठानको इमर्जेन्सीमा भर्ना गरिएको समाचार नयाँ पत्रिका दैनिकमा छ ।
उनलाई अनशनस्थल (जिल्ला खेलकुद विकास समितिको कभर्डहल) बाट एम्बुलेन्समा अस्पताल ल्याइएको प्रतिष्ठानका मेडिकल डाइरेक्टर डा. पुजन रोकायाले बताए ।
‘एक्कासि मृगौलामा समस्या भएपछि कसैलाई सोध्ने कुरा भएन, अस्पताल पुर्याएका छौँ,’ डा. रोकायाले भने ।
