जेठ २५, कलैया । कलैया उपमहानगरपालिका १२ विश्वम्भरपुरका मैनजरले सय रुपैयाँ तिर्न नसक्दा ज्यान गुमाउनु परेको खबर आजको कान्तिपुर दैनिकमा छ ।
अहिलेको समयमा एक सय रुपयाँले ठुलो गर्जो टर्दैन । तर, सय रुपैयाँकै लेनदेन विवादमा उनको ज्यान गएको हो ।
स्थानीय मख्खन साहको पम्पिङसेटबाट आफ्नो खेतमा सिँचाई गरेका उनले यसबापत मख्खनलाई सय रुपैयाँ तिर्न बाँकी थियो ।
मख्खनले बुधबार साँझ मैनेजरसँग पैसा मागेपछि विवाद भएको थियो । पैसा तिरेरै जा भनी मख्खनले जबरजस्ति गरेपछि मैनेजरसँग विवाद भएको स्थानीयले बताएका छन् ।
विवादकै क्रममा मख्खनका २० वर्षीया छोरा दीपक साहले मैनेजरमाथि चिर्पट प्रहार गरेका थिए ।
