असार ६, काठमाडौँ । चैत २०७४ मा लिइएको एसइई परीक्षाको नतिजा आज बुधबार सार्वजनिक गर्ने तयारी भएको परीक्षा नियन्त्रण कार्यालयले जनाएको छ ।
परीक्षा नियन्त्रण कार्यालय सानोठिमीका परीक्षा नियन्त्रक अम्बिकाप्रसाद रेग्मीले नतिजा सार्वजनिक गर्ने अन्तिम तयारी भएको जानकारी दिएका हुन् ।
परीक्षामा साधारण धारतर्फ चार लाख ८५ हजार ५८६ र प्राविधिक धारतर्फ ८ हजार ७०८ जना परीक्षार्थी सहभागी थिए ।
नतिजा ग्रेडिङ पद्धतिमार्फत हुनेछ ।
