असार ६, सोल । दक्षिण कोरियामा तिन वर्षअघि इपिएस मार्फत् पुगेका एक नेपाली कामदारको ज्यान गएको छ ।
ख्यङसाङनामदो प्रान्तको मिरयाङ छोदोङ सहरस्थित माछाको दाना बनाउने कम्पनीमा कार्यरत मोरङको बेलबारी लक्ष्मीमार्गका बलकुमार राईको औद्योगिक दुर्घटनामा परी मंगलबार ज्यान गएको हो ।
दाना पकाउने भाँडामा ग्यास ओभर भएपछि पड्किँदा नजिकै रहेका राई तातो ग्यास र पाउडरले पोलेर घाइते भएका थिए ।
सोमबार बिहान घटना भएपछि तुरुन्तै भुसान अस्पताल लगिए पनि राति दुई बजे अस्पतालले मृत घोषणा गरेको थियो ।
