असार १६, काठमाडौँ । रसियामा जारी विश्वकप फुटबलका लागि नेपालमा दैनिक एक अर्बभन्दा बढीको बाजी लाग्ने गरेको समाचार नयाँ पत्रिका दैनिकले छापेको छ ।
कतिपयले विश्वकपलाई जुवा खेल्ने खेलाउने मौकाका रूपमा पनि प्रयोग गरिरहेका छन् ।
काठमाडौं, ललितपुर, पोखरा, धरान, वीरगन्ज, विराटनगरजस्ता ठूला सहरमा सट्टेबाजी धन्दा चलिरहेको छ । सट्टेबाजीको सबैभन्दा ठूलो खाल काठमाडौंमै चलेको प्रहरीले जनाएको छ ।
यो जुवामा टोलेगुन्डा, क्यासिनो खेलाडीदेखि फुटबलका फ्यानसमेत संलग्न छन् ।
