असार ३२, काठमाडौँ । टिपरका कारण सवारी दूर्घटना बढेपछि त्यसलाई न्यूनीकरण गर्न मालबाहक सवारीसाधनलाई भक्तपुरको जगातीदेखि काठमाडौँको कोटेश्वरसम्म भोलि साउन १ देखि ‘टाइम कार्ड’ लागू गरिने भएको छ ।

भक्तपुरको फराकिलो सडकमा तीव्र गतिका कारण धेरै दुर्घटना भएपछि महानगरीय ट्राफिक प्रहरी महाशाखाले टाइम कार्ड लागू गर्न लागेको हो ।

टाइम कार्ड लागू गरेपछि ट्रक, टिपर, भ्यानलगायतका सवारीसाधन भने प्रतिघण्टा ४० किलोमिटर भन्दा बढी गतिमा गुड्न पाउने छैनन् ।