साउन २४, नयाँ दिल्ली । बाढी पहिरोले बगाउँदा भारतको केरला राज्यमा २२ जनाको ज्यान गएको छ ।
अत्यधिक वर्षापछि आएको बाढी पहिरोले सयौँ बेपत्ता भएको स्थानीय अधिकारीहरुले बिहीबार जानकारी दिएका छन् ।
मृत्यु भएकाहरु इडुक्की, मालापुराम, कोझीकोडे वायानाडा र इर्नाकुलाम जिल्लामा रहेका समाचारमा जनाइएको छ ।
केरला राज्यका मुख्यमन्त्री पिनारायी भिजायानले बाँधहरुमा पानीको मात्रा बढेपछि २६ वर्षमा पहिलो पटक इदुकी जलाशयको चेरुथोनी बाँधका गेटहरू खोलिएको बताए ।
