असार ७, काठमाडौँ । आजको नयाँ पत्रिका दैनिकले प्राकृतिक विपतमा परी नेपालमा प्रत्येक वर्ष सरदर पाँच सयको ज्यान जाने गरेको तथ्याङ्कसहित समाचार छापेको छ ।
त्यस्तै तीन अर्बभन्दा बढी सम्पत्तिको क्षति हुने गरेको समाचारमा उल्लेख छ ।
तथ्यांकअनुसार प्राकृतिक विपतबाट ०७३ मा चार सय ८३ को र ०७४ मा पाँच सय ९७ को ज्यान गएको छ । यी दुई वर्षमा मुलुकभर ६ अर्ब ३० करोड ३ लाख १८ हजार तीन सय ४७ रुपैयाँ मूल्यबराबरको संरचना तथा सम्पत्ति क्षति भएको छ ।
