असार ३, काठमाडौँ । विश्वकप फुटबलको समूह डि अन्तर्गतको अर्जेन्टिना र आइसल्यान्डबीचको खेल बराबरीमा सकिएको छ । रसियामा जारी खेलमा अर्जेन्टिनालाई पहिलो पटक विश्वकप खेलिरहेको आइसल्यान्डले १–१ को बराबरीमा रोकेको हो ।
पहिलो हाफको १९ औं मिनेटमा अर्जेन्टिनाका लागि सर्जियो एग्यूरोले गोल गरेका थिए । त्यसलगत्तै अर्जेन्टिनाले गोल गरेको ४ मिनेटमै आइसल्यान्डका लागि अल्फ्रेड बिनबोगसले २३ औं मिनेटमा गोल गरी बराबरी बनाए ।
खेलमा अर्जेन्टिनाले दोस्रो हाफको ६३ औं मिनेटमा पेनाल्टी पाएको थियो । होर्डर म्याग्नसनले अर्जेन्टिनाका मिलानोलाई डिबक्समा लडाएपछि अर्जेन्टिनाले पेनाल्टी पाएको थियो । तर आइसल्याण्डका गोलकिपर ह्यानेस थर हल्डर्सनले लिओनल मेस्सीको पेनाल्टी प्रहारलाई विफल बनाइदिए ।
रुस विश्वकपको आफ्नो पहिलो खेलमा लिओनल मेस्सी पेनाल्टीमा गोल गर्न चुकेका छन् । यससँगै अर्जेन्टिना आफ्नो पहिलो खेलमा जितबाट चुकेको छ ।
