जेठ १७ काठमाडौँ । सत्तारुढ नेपाल कम्युनिस्ट पार्टीसँग दुई बुँदे लिखित सहमति गरेको संघीय समाजवादी फोरम नेपालले प्रतिनिधिसभाको सभामुख पनि माग गरेको खबर राजधानी दैनिकमा छ ।
सरकारमा सहभागी हुने मन्त्रीको नाम छनोट गर्न बुधबार बसेको संसदीय दलको बैठकमा सरकारमा सहभागी हुँदा सभामुख वा उपसभामुखमध्ये एउटा पद पार्टीले पाउनुपर्ने माग उठेको हो । यस सन्दर्भमा समाजवादी फोरमले नेकपासँग संवाद गर्ने भएको छ ।
